After death of corona positive man, vellore collector A Shanmuga Sundaram announces restrictions-grocery shops to open only on Sunday, Monday, Thursday from 6-10 am, vegetable shops & petrol bunks daily from 6-10 am 


வேலூரில் 3 நாட்கள் காலை 6 மணி முதல் 10 மணி வரை மட்டுமே கடைகள் திறந்திருக்கும்... மக்கள் வெளியே வரக்கூடாது மாவட்ட ஆட்சியர் அதிரடி உத்தரவு...

நாடு முழுவதும் கொரோனா வைரஸ் தொற்று காரணமாக ஊரடங்கு உத்தரவு அமலில் உள்ளது, எனினும் மக்கள் வீடுகளில் அடங்க மறுத்து வெளியே சுற்றித் திரிவதால், வேலூரில் 4 நாட்கள் மக்கள் வெளியே வரவேக் கூடாது என மாவட்ட ஆட்சியர் சண்முகசுந்தரம் அதிரடி உத்தரவு ஒன்றைப் பிறபித்துள்ளார்.

தமிழ்நாட்டில் கொரோனா தொற்று காரணமாக இதுவரை இப்போதுவரை 738 பேர் பாதிக்கப்பட்டுள்ளனர். கொரோனாவால் பாதிக்கப்பட்டவர்களைக் கண்டறியத் தொடர்ந்து பரிசோதனைகள் நடத்தப்பட்டு வருகிறது.

இதற்கிடையே இந்த வைரஸ் தொற்று சமூகத் தொற்றாகப் பரவாமல் இருக்க நாடு முழுவதும் ஏப்ரல் 14ஆம் தேதி வரை ஊரடங்கு உத்தரவைப் பிரதமர் மோடி அமல் படுத்தி உள்ளார். இந்த ஊரடங்கு உத்தரவு மேலும் நீடிக்கப்படும் எனக் கூறப்படுகிறது.

இந்த சூழலில், வேலூர் மாவட்ட ஆட்சியர் சண்முகசுந்தரம் மாவட்ட மக்களுக்கும் வியாபாரிகளுக்கும் அதிரடி உத்தரவு ஒன்றைப் பிறபித்துள்ளார். அதில், “ஊரடங்கு நேரத்தில் மக்கள் வீட்டில் இருக்காமல் சகஜமாக வெளியே சுற்றி வருகின்றனர். இதைக் கட்டுப்படுத்தும் வகையில் பல்வேறு கட்டுப்பாடுகள் விதிக்கப்பட்டுள்ளது” எனக் குறிப்பிட்டுள்ளார்.


அதன்படி, வேலூரில் இனி ஞாயிறு, திங்கள், வியாழன் ஆகிய நாட்களில் காலை 6மணி முதல் 8 மணி வரையும், மாலை 6 மணி முதல் 7 மணி வரை மட்டுமே அத்தியாவசிய பொருட்கள் விற்பனை செய்யும் கடைகளுக்கு அனுமதி வழங்கப்படும் எனக் கூறப்பட்டுள்ளது. இந்த உத்தரவின் கீழ் மருந்து கடைகள் அடங்காது என்றும் வழக்கம்போல் மருந்து கடைகள் செயல்படும் என்றும் குறிப்பிடப்பட்டுள்ளது.

மேலும், இறைச்சிக் கடைகள் திறக்கவேக் கூடாது என அந்த உத்தரவில் ஆட்சியர் கூறியுள்ளார். வேலூர் மாவட்டத்தைச் சேர்ந்தவர் கொரோனா தொற்றுக் காரணமாக நேற்று பலியானது குறிப்பிடத்தக்கது.

அதே வேளையில் மக்கள் நிலைமையை உணர்ந்து விழிப்போடு செயல்பட வேண்டும் என அரசு மருத்துவர்கள் தொடர்ந்து அறிவுறுத்தி வருகின்றனர். இந்த உத்தரவு வேலூர் சமூகத் தொற்று பரவலுக்கு ஆளாகியுள்ளதா என்ற கேள்வியை எழுப்பியுள்ளது. எனினும், இதேபோன்ற ஊரடங்கு முறை வரும் நாட்களில் அனைத்து மாவட்டங்களிலும் அமல்படுத்தப்படும் என அரசு வட்டாரங்கள் தகவல் தெரிவிக்கின்றன.


After death of corona positive man, vellore collector A Shanmuga Sundaram announces restrictions-grocery shops to open only on Sunday, Monday, Thursday from 6-10 am, vegetable shops & petrol bunks daily from 6-10 am 


Source :TS